“Kabhi kabhi lagta hai… ki manzil important nahi hoti…
bas chalte rehna hota hai — kisi naye mod, kisi naye lamhe ki taraf.”
“Yeh Jawaani Hai Deewani” dekhne ke baad har traveler ka dil sirf ek cheez kehata hai —
“Mujhe bhi nikalna hai. Bag pack karna hai. Train pakadni hai.
Aur kisi pahadi mod pe zindagi ko pause kar dena hai.”
Aur sach bataun…
Ek waqt tha jab main bhi Bunny jaisa sochta tha —
“Main udna chahta hoon, daudna chahta hoon, girna bhi chahta hoon…
bus rukna nahi chahta!”
🌄 Travel Karna Sirf Jagah Dekhna Nahi Hota… Khud Ko Mehsoos Karna Hota Hai
Main jab pehli baar solo trip par gaya tha —
Mussorie ki thandi hawa, chai aur ek tanha bench ne mujhe vo diya
jo Delhi, Mumbai ya Vadodara ke kisi busy road par nahi milta…
Vo feeling — ki main apna hoon.
Bunny ki tarah mujhe bhi laga —
“Main sirf tourist nahi hoon… main ek kahani banane aaya hoon.”
🎒 Friends Ke Saath Wo ‘Trip Wala Trip’
Aur fir aayi wo trip — Himachal ki… jahan hum teen yaar the.
Main, Adil, Anas.
No plan. No bookings. Bas ek instinct.
Aur har raaste pe ek crazy yaari moment.
Mandi ki vo Raat, jahan thand ko mehsus karte karte taare dekh rahe the,
ek chai ka dhaba tha jahan local ne humein pahadi bhasha sikhai,
aur ek bridge jahan humne bas chill maar ke dosti ko celebrate kiya tha.
“Woh yaari thi, jisme photo kam thi… yaadein zyada.”
📽️ Life Ek Frame Hai… Use Travel Wali Film Banao
Yeh blog un sab logon ke liye hai
jo soch rahe hain ki “kabhi toh chalenge…”
Kabhi nahi boss — “abhi chalo!”
Laptop/Mobile band karo.
Ek chhoti si train ticket lo.
Aur kisi random sheher mein ek new version of you discover karo.
Kyunki jaise Bunny ne kaha tha:
“Main udna chahta hoon…”
…aur agar tumne udna nahi chaha —
toh zindagi sirf reels mein reh jaayegi, yaadon mein nahi.
💭 End Note:
“Yeh Jawaani Hai Deewani” ek movie nahi…
ek permission thi apne liye jeene ki.
Aur agar tumhare paas bhi kuch travel dreams hain
jo tumne “baad mein” ke folder mein save kiye hain…
toh time aa gaya hai unhe download karne ka.
🛤️
“Manzil se nahi, raste se pyaar ho gaya hai…………..”
Aur shayad tum bhi kuch aise hi pyaar ke liye niklo…
jisme passport nahi, sirf ek muskurahat chahiye ho.